一到冬天最煩就係啲皮膚變得好乾，特別好容易就脫皮，搞到上妝係咁卡粉，有時出街化妝都無哂心情，加上即將踏入輕熟肌開始初老，肌膚好容易唔穩定，亦容易變得鬆弛，望落好顯老！要keep 住逆齡抗老同擊退鬆馳感，我就特別注重每朝同每晚臨瞓前嘅肌膚保養，重點係補濕滋養同提拉緊緻！最近經朋友介紹試用咗L'Oreal Paris 嘅金致臻顏花蜜奢養面霜系列，分別係輕盈同滋潤版嘅小蜜罐。

晚上我就會用金致臻顏花蜜奢養滋潤面霜，重點滋養修復，初初以為「滋潤 」質地會好痴立立，但一搽意外地快吸收，而且佢亦含有皇牌抗老成分 - 玻色因，可以係夜晚時促進膠原蛋白增生，大大減紋，同時亦增厚表皮層，令皮膚敏感嘅情況都大大降低！用咗大約兩星期左右，肌膚係feel 得到睇得到咁彈滑，而且乾都脫皮嘅情況無咁lu，每日都keep 住水潤，摸落蘋果肌同下巴都firm 咗緊緻飽滿咗，逆齡少女肌番哂黎，非常推薦！