人氣極高嘅makeup for ever黑盒粉餅一直都係我袋中物 相信今次新出粉盒版一定再會掀起新風潮 我身為長期用家當然十分興奮

全新高清柔霧粉餅含抗水、防汗及防暈染功能，岩曬依家春夏轉季用。新版含有全新柔滑配方，能減少出現粉痕同斑駁嘅機會，更有效保持柔霧和啞緻妝效。
試用後覺得新版粉餅 coverage好好 比黑盒coverage 力更佳，但又唔會覺得好厚粉，透氣度高同妝感都好貼服。上咗妝超過9個鐘都keep到8，9成左右，只有鼻翼兩邊甩左少少，亦都唔會甩到一撻撻，十分自然！
高清柔霧粉餅另有三重霧化複合物配方，有效咁修飾毛孔同細紋，唔洗用美圖APP都有磨皮嘅效果！

另外，粉餅內附送新款雙面專用粉撲，可以用嚟自由調節遮瑕度：
-絲絨面可作自然至中度遮瑕，適合補妝使用， 亦可堆叠遮瑕度
-乳膠面帶嚟中至高度遮瑕妝效
一盒粉餅 可以有唔同強度嘅效果真係性價比極高呀！