抽獎贏到travel set，當日就即刻拎嚟試用。咁用開organic shampoo都知天然洗頭水係唔會起到太多泡，自問我俾一般市面嘅洗頭水寵壞咗，覺得多泡先乾淨，所以我唧咗差唔多4~5次先沖水，雖然唧咗咁多次但係捽極都唔係好起泡，啲泡又好快滲咗入頭髮入面，但係沖完水之後發覺意外地乾淨，最重要係我個頭冇痕！我頭皮算係有少少敏感，用某幾隻日牌洗頭水會痕，但係呢隻冇。雖然呢隻洗頭水係for dry scalp但係我唔覺得佢算係好滋潤好笠嗰隻，用完之後都幾清爽吓，但係頭髮又好似絲咁滑，摸落好柔軟好有光澤，梳落去都冇平時咁kick，用咗之後成日都會忍唔住摸自己啲頭髮，淨係用咗1次個效果我已經好滿意。扣咗1分係因為每次用嘅份量都幾多吓，考慮到呢支洗頭水貨裝賣緊HKD 390，其實真係好貴，因為1支唔會用到好耐。