呢隻萬用霜基本上搽邊度都得，好多人都會拎嚟搽嘴同埋手爭位，如果你係極乾肌嘅話都可以試吓搽上臉，不過一定要搵其他嘢dilute佢，如果唔係真係會超笠，又或者淨係用黃豆咁多嘅份量再用手心捽暖佢拍上臉。通常越滋潤嘅嘢越難吸收，佢都唔例外，無論你搽邊度佢都要好耐先吸收到，呢段時間你會feel到皮膚好油淋淋，所以唔建議瞓覺之前搽，廢事搞到張床同枕頭都係油。同埋我真係好難忍受到陣味，聞落似樟腦又有少少似藥油，陣味仲要好耐都唔散，所以我而家都冇再用了。