本身皮膚容易缺水乾燥，所以鍾情用補濕度高的氣墊粉底，底妝會更貼服。近日愛上Dior Forever Perfect Cushion恆久貼肌氣墊粉底，最先是被超美的粉盒吸引，這款全新高級訂製時裝設計的纖薄粉盒好輕身，方便放入化妝袋，而且出街補妝時好似拎住個迷你Dior包包咁！質地方面亦不錯，氣墊粉底液含有玫瑰果萃取，滋潤度十足，而且有收細粗大毛孔的效果，遮瑕度亦算高。下午補妝時輕印幾下鼻翼及眼肚位置，又可以keep住靚妝到夜晚。