因為成日做激光,皮膚好快干,加上天氣轉,d 皮膚更差,亦明日唔可以成日做laser太多,所以見到佢地產品有關收復DNA既問題,就買黎試下.其實Borghese係我中學個時,已經用,佢真係一個舊牌子,仲要冇乜宣傳,都係品質取勝.所以我冇考慮,就買佢番去試.佢個質地,好水,唔係水潤個d水,係好似水個d質感,初時,以為係d過期貨,點知聞下,又冇問題,試下搽,又冇敏感,不過佢真係好快吸收同佢支收緊精華一樣好快吸收同好薄身.最重要係冇香料味,亦唔苙.仲有就係唔好諗按摩,因為係冇滑既感覺.唔知真係以為搽d水上塊面度.不過我用左佢都成個月,整體塊面我見係白左,毛孔都幼細左,最重要係放工同起身個時,塊面真係冇乜面油出,所以佢都可以幫到我個底層鎖水.不過暫時我都係用緊佢成條line既產品,如果sis們想只係用呢支,而達到個效果,我就未能評論住.等我遲d試下.甘樣對品牌公平d.