今次試用的用量好多，真係可以試清楚，而且瓶裝的設計令用起上來超方便，確保新鮮衛生。
PETERTHOMASROTH 青瓜舒緩保濕面膜，可以依照肌膚狀態厚敷、薄敷、冷敷或暖敷，想冷敷用前將佢放入雪櫃就得，促進血液循環又可以補水緊緻，每個星期只需敷一次就可以幫肌膚做大掃除，令其回復健康柔軟又有光澤，但如果想要強效的保濕效果，瓶身就有寫要一星期敷二至三次啦，咁就可以視符肌膚需要而調整敷的次數。
而且原裝一瓶150g售價是$480，我覺得係合理的價格，亦可以用好耐，因為容量相當多呀。
呢排天氣咁岩又好飄忽，令我原本易敏感的肌膚都敏感起黎，雙面容易泛紅乾燥，唔敢亂用其他產品，而呢隻PETERTHOMASROTH 青瓜舒緩保濕面膜由於成份天然，而且是一款性質溫和的面膜，能有助舒緩皮膚敏感的狀態。而如果夏天在曬後，我覺得絕對可以當曬後護理用添，真係功能多多。
產品由美國製造，適合任何膚質，主要成份有：青瓜、木瓜、菠蘿、蘆薈、甘蔗、糖槭、橙、檸檬精華、洋甘菊，覆盆子，尿囊素，一睇就感覺到係幾咁天然，完全唔擔心肌膚會唔適應。

我本身肌膚屬於極乾性，即係搽極護膚品都好似唔吸收咁，所以真係好需要保濕效果強勁的產品。

佢的顏色是透明帶點綠色，好似啫喱狀咁，摸落帶有小小冰涼感，可敷全面，每個部位都必須搽啊，咁先吸收得平均，所以唔好忘記搽眼底位置啊﹗

敷上面的一刻有一股清爽涼快的感覺，而且會hold到係面上，因為佢啫喱狀，所以唔會太流質，我諗我夏天一定會成日敷，等肌膚可以時刻保持一定溫度，唔會過熱，因為肌膚溫度都好影響肌膚狀態架，而面膜吸收力很強，肌膚好快就吸收左好多，又唔會有任何刺痛感，真係好溫和，敷上10分鐘後，便可以用清水潔面，好容易清洗呀，清洗左一次已經好乾淨，唔似有d面膜敷完好難洗走，洗完之後覺得肌膚即時注滿水份咁，冰涼感覺都仲有呀，肌膚變得有彈性，水潤十足，肌膚紋理明顯減少，毛孔望落亦變小。

試用了幾天後，肌膚情況變得穩定，泛紅的情況都消失了，而且皮膚仲多左光澤，亦冇再崩緊，而肌膚的抵抗力都好似增強左，呢幾日肌膚都冇再敏感啦。

敷完上面仲可以繼續做其他野，真係方便，而且如果忙得滯，當sleeping mask用都唔錯，不過建議臨訓前敷，因為如果敷過夜就會hi到個床舖啦。

用完之後改變左我以前唔鐘意敷要清洗的面膜，因為呢個敷的時候感覺實在太舒服，所以十分推介俾好似我咁容易敏感的人，可以安心咁用，想肌膚變得光澤水潤，毛孔看起來更細緻，就一定要試啦。