今次好高興收到b.glen邀請體驗Pore Care毛孔修護trial set! 我本身皮膚混合偏乾，t-zone好易出油，而兩額毛孔比較粗大同客易有紅印，所以依盒產品針對既問題「毛孔粗大、黑頭、易出油、角栓」基本上可以話係對正下藥！

今次一次收到潔面乳、化妝水、精華液同水凝霜四樣產品，主打既係獨家研發嘅「QuSome」滲透技術同抗哀老護理成份結合，可以真正滲入毛孔底層。

第一樣係礦泥潔面乳，佢係採用天然礦泥粉（montmorillonite)製作而成的吸附型潔面乳，吸附堆積毛孔中嘅黑頭同多餘皮脂。潔面乳顏色係灰灰地，佢唔似一般洗面奶會起泡，洗既時候唔覺得刺激，雖然第一次用有啲唔慣，但洗完亦唔覺得乾崩緊而且臉部有即時感覺到乾淨舒服，連續用左幾日，下巴同鼻啲粉刺有代謝出黎，輕輕一推就出黎，至於毛孔可能要用耐少少先感覺到，不過摸到t-zone位係平滑左，個人覺得非常適合敏感肌同痘痘肌！