唔洗再戴口罩之後，唇膏就再次成為我每日裝扮嘅重點❤️

近期我就入手咗Christian Louboutin Beauty新推出嘅迷你版Rouge Louboutin On The Go，色號係My Orange 555，就算偏橙色調，但膚色偏黃嘅我，不論薄擦定厚擦，都好顯色顯白，好輕易就點綴到全日嘅裝扮！薄擦會比較日常，約會就可以厚擦，增加個人魅力。唇膏size唔太大，放入小手袋都得，方便返工放工，轉換妝容！

而且佢係水潤緞光質地，平日非常依賴潤唇膏嘅我，用咗佢都唔會覺得好乾，搽上嘴唔顯唇紋，keep 住水潤有光澤！最最最重要係，佢唔易甩色，食嘢都唔洗小心翼翼！