Atelocollagenmask 標榜係100%純膠原蛋白面膜，防敏感，零化學成份，針對皺紋、鬆弛、暗瘡同敏感問題。原理同美容院做嗰啲乜乜膠原療程差不多。
每盒mask會有兩片乾膠原蛋白，唔好睇佢薄薄地又細細片，用附送嘅滴管加水之後會溶化成糊狀，足夠搽曬成塊面嘅。
初初搽上面時同DIY 蛋白mask差不多質感，幾分鐘後mask開始乾，就感受到慢慢收緊同提升，有啲崩緊嘅感覺，敏感肌嘅我完全無任何不適，無痕無灼熱無痛，感覺良好。
約20-30分鐘後用清水洗淨，搽返日常護膚品就可以，感覺好滑好緊緻，紋亦淡咗，最正係眼底嗰幾條千年紋都收埋！推介！