雖然睇落細細枝，但係佢係非常之咁pigmented，所以我每次上下唇各點3點blend開佢就已經夠晒做，長遠咁睇呢枝唇釉應該會用到好耐。最鐘意嘅係雖然佢係matte finish但係我又唔覺得好乾，我已經係一年四季個嘴都會甩晒皮嗰啲人嚟，但係搽咗佢都冇話會乾到出晒唇紋，基本上上妝之前prep定個嘴就唔會出咩大問題。持久度亦都比我想像中好，我本身有舔嘴唇嘅習慣，又成日飲嘢，但係個妝都hold到大半日。Overall嚟講呢枝唇釉真係冇乜地方可以彈，價錢亦都好reasonable，可以話係CP值之選。