見個packaging好似hea hea哋所以原本對佢嘅效果冇乜期待，點知用完又幾好，佢唔算係起泡多嗰隻洗頭水，所以每次用嘅份量都要多少少，沖完水個頭feel到好清爽，完全冇殘留感。
陣味好香不過好難形容，類似係花香味，不過我男朋友話有啲似糖味（？）用完個頭好舒服好好摸，完全唔痕，個頭都冇咁易笠咗，平時我2日唔洗個頭已經會變barcode，用咗呢隻之後過咗2日都仲係好清爽好輕盈。
如果你係油頭基本上用完洗頭水就已經可以ready to go，不過我頭皮有少少乾，所以一定要搭埋conditioner嚟用。