見個packaging好似hea hea哋所以原本對佢嘅效果冇乜期待，點知用完又幾好。洗頭水我已經係另一邊講咗，所以今次會針對返枝conditioner嚟講。首先佢個樽身有講明from root to end都可以用，所以我係搽埋上頭皮一齊按摩。雖然佢個texture係幾rich嗰隻不過又冇乜點起泡，等多陣會feel到頭髮索晒啲conditioner，再沖水之後都冇話會有種假滑嘅感覺，唔會覺得頭髮上面有層油。吹乾頭髮之後覺得頭髮好摸咗超多，柔順度都高咗，嗰種質感唔係笠嗰隻滋潤，而係清爽嗰隻滋潤，你會feel到頭髮係一絲絲咁分開，但係摸落又好順滑。而家香港已經11月都幾乾吓，但係用佢都好夠做，摸落啲頭髮係好柔軟好有水份，但係我之前染完頭，髮尾有少少傷咗，所以點都會補搽返髮尾油。而佢陣味我亦都係洗頭水嗰個page講過，陣味好香不過好難形容，類似係花香味，不過我男朋友話有啲似糖味（？），而隻conditioner嘅留香程度都值得一讚，可能只係因為我本身係長頭髮，不過陣味真係幾long lasting而且連我自己都聞到。