首先要講一講陣味，因為陣葡萄味一開始聞會覺得怪怪哋，用用吓慣咗又覺得幾好聞，係一種好醇香嘅葡萄味，有少少似紅酒。咁講返個texture啦，滴出嚟係酒紅色水狀質地，雖然好易推不過都有黏稠性，吸收速度都比我想像中快，同埋以whitening serum嚟講搽上面都幾滋潤吓，所以一次真係唔洗用太多，大臉極滴3~4滴左右都已經好夠用。而美白效果就冇其他大牌子咁快見效，不過用落去係會見到好清楚有分別，complexion真係會白咗健康咗，淡斑方面我覺得都有幫助，不過都係嗰句，要用耐啲先會見到個效果。比5星係因為佢成份表好乾淨，我用過好多organic products，通常organic嘢都唔會太夠力，但係呢支精華嘅表現好好，啱晒啲想美白但係又有敏感肌嘅人用，因為美白產品好多時都會加入刺激性高嘅chemicals，呢支精華寫明Certified organic by BioGro: 100% of ingredients from natural origin同埋Certified vegan by the UK Vegetarian Society，咩人都可以放心用。