見到呢度咁多業配文都唔知寫唔寫review好，因為我真心覺得呢支精華唔值呢個價位。首先呢支精華係oil based，所以油眼人或者成日眼底生油脂粒嘅人就唔洗考慮用佢，因為佢偏油狀所以吸收慢，不過好易推，等佢吸收完之後表面都冇話會有痴笠笠嘅情況。不過我係油眼人，搽完佢之後瞓醒第2日會feel到隻眼好heavy好唔舒服，會好想洗走佢，我而家係用另1支精華嚟dilute呢支精華用，至少而家上到眼個感覺可以接受。未開始dilute之前我keep住用咗大半個月，除咗眼底滋潤咗摸落滑咗之外我就冇其他感覺，笑嗰陣都仲係見到細紋，黑眼圈冇淡過，眼袋都冇細到，firm up效果亦都係冇。我另1支4xx蚊嘅精華都好用過佢，至少我真係即時見到個效果。