Review
Last updated at: 23/03/2019

已經用咗2支,而家準備買第3支,我用過晒市面上咁多種暗瘡護理產品都冇1隻夠呢支勁。咁講返我自己膚質先,我係combo to oily skin,本身又會成日生hormonal acnes,幾乎咩種類嘅暗瘡都會生,特別係生理期前後會成日生石頭瘡,一生呢種瘡就成個禮拜都唔洗旨意好得返。呢支暗瘡水勁係勁在搽完一晚咩瘡都會即刻扁咗好多,雖然如果你整爆咗粒瘡有表面傷口,搽落去會乸到飛起,不過relatively消炎效果都好好,咩瘡都好快收晒水。如果係封閉性暗瘡勤啲搽都可以令佢快啲熟,會快啲見到個膿頭同埋令佢唔好發得咁緊要。最重要係呢隻暗瘡水點用都唔會留印(除非你自己手多去唧佢或者搣咗層焦),就算忍唔到手唧完啲瘡,個傷口搽咗佢都會快啲結焦,等佢塊焦自己慢慢甩就基本上唔會點留印。值得留意嘅係屈記賣得好貴吓,我嗰陣買要接近200蚊,之後先發現上某網店100蚊左右就已經買到1支,覺得自己蠢咗。同埋雖然每次搽少少就夠,但係貨裝5ml都唔算係好大支,以我呢啲瘋狂生瘡嘅人嚟講差唔多要1個月買1支,但係佢效果真係最好最快見效,所以呢啲錢我好願意畀。